حسين السيد يكشف عن خطأ في حراسة الزمالك .. ويوجه نصيحة للمدرب لتفادي سيناريو الاهلي !!

اكد حسين السيد حارس الزمالك السابق ان المنطقي ان الابيض يكون لديه 3 حراس مرمي علي مستوي عالي ولكن الخطأ كان في استقدام 3 حراس بعد اصابة محمود جنش وليس حارسين وهو ما تسبب في ازمة

ووجه نصيحة للمدرب بضرورة الروتيشن في هذا المركز لتجهيز ثنائي حراسة مرمي لتفادي سيناريو مشاركة عمر صلاح امام الاهلي مرة واحدة بعدما كان جليس الدكة

حيث قال حسين السيد عبر برنامج التالته يمين :  من الطبيعي ان الزمالك يكون في 3 حراس على اعلى مستوى وخصوصا بعد اللي حصل بعد اصابة جنش وبقى فيه شراهة ونحيب 3 وكان لازم تتحسب وتجيب حارسين فقط وليس ثلاثة

وواصل : ليه مفيش روتيشن في المركز ده في الزمالك ؟ ومتجبش حد وتلاعبه مباشرة انت جبت عمر صلاح ولبسته وقولتله العب ماتش الاهلي ونهائي الكونفدرالية بسبب عدم الروتيشن

واضاف : جنش عنده هدوء وبيقدر يلعب بعد غياب انا مع فكرة ان عندي 2 شغالين ولازم انت كمدرب حراس عندك القناعة وتوصلها للمدير الفني انك تلعب حارس وتقعده وهو كويس علشان تقتنع انه قاعد علشان التاني يجهز ولازم يشارك ف مباراة ويقف ع رجيله تمشي ماتشين تلاته او ماتشين تلاته 4 والاتنين يبقى رجلهم فى الملعب

واشار :افضل حاجة اعارة محمد صبحي وهنطمن على حراسة المرمى 10 او15 سنة في الزمالك ، ولازم تقعد مع عواد وتطمنه ومفيش وديات بسبب ضغط المباريات علشان يشارك فيها