خالد الغندور يزف خبر سار لجمهور الزمالك : شكل النادي هيبقي حاجه في منتهي الشياكة .. وهذا موعد البدأ في فرع 6 اكتوبر

اكد خالد الغندور مقدم برنامج زملكاوى عبر قناة الزمالك ان نادي الزمالك سيتم تطويره وتغييره بشكل يليق بالقلعة البيضاء وسيكون شئ في منتهى الشياكة

حيث قال الغندور : خلال اسبوع هيتم توقيع الموافقات وشكل النادي هيبقى ف منتهي الشياكة
خلال شهر هيتم الشغل ف النادي فرع 6 اكتوبر

وتطرق :الزمالك هيلبس تيشرتات لنهاية الموسم والموسم الجديد هيكون ف زي اخر، اللي قال هنحط شعار ال20 احنا مش هنتاجر بهم والاهم من وضع شعار هو الدعاء لهم بالرحمة المغفره جمهور الزمالك هيفضل علي راسنا ومش عاوزين متاجرة علي السوشيال ميديا بالموضوع ده

وتابع : الفترة الاخيرة نظرا لمشاركة الاهلي فى كأس العالم للأندية وكل البرامج مهتمه واحنا نفسنا نشارك فيها وصعدنا لاول مرة فيها ولكن البطولة اتلغت وفي2016 كان في فرصه ومجتش و2020 مجتش عادي

وواصل : فكرة ان خالد الغندور فى قناة الزمالك يتخيل ان الزمالك مكان الاهلي هل الزمالك كان هيأدي افضل وشخصية لاعبيه كانت هتختلف هل انا بس اللي سالته ؟ لا اتسأل في كل البرامج وده كلام كرة ودي اراء والكلام ف الكرة مش عيب ولاحرام

واستطرد :  لما ابتدي اشوف تريقه من قناة الاهلي والمنتمين للاهلي واللي يتقال لو الزمالك كان اتغلب 5 واللي يقولك ركز مع غزل المحلة اللي غلبك وموقع مش كبير ويقولك الاهلي ف المركز ال36 والزمالك ال136 وتتريقوا

واضاف : احنا بنكلم بمنتهى الشياكة وبنكلم كرة واتفرجنا واتكلمنا زي كل البلاد العربية ما اتكلمت الاداء كان وحش والنتيجة كويسة ودي مش تقليل من الاهلي بنحلل فريق مصري قدام احسن فريق في العالم

واستطرد : بتقارن ليه ان الزمالك لو راح قابل البايرن كان اداءه يكون افضل لما انا اساله وضيف يسال، انا شوفت شريف عبدالفضيل قال احنا ممكن نكسب لكن الزمالك موصلش للمستويات دي ولو روحتوا كنتوا خسرتوا 5 و6

واتم : بتكلمني عن غزل المحلة انا متصدر الدوري اتعادلت مع اسوان بفعل فعل ولعبت مع المحلة اتطرد مني فرجاني ساسي وف الثواني الاخيرة خسرت بهدف ، والمحلة اسم كبير حدا وجماهيرية والوضع تتغير نوعا ما طب تعالالي، المحلة ترتيبها ال9 اللي بتتريق عليه انت اتعادلت مع البنك الاهلي هو المركز ال15 ودجله اللي في المركز الاخير