خالد الغندور يفتح النار علي لجنة الحكام واحمد مجاهد : اللي بيحصل سمك لبن تمر هندى .. واللي بيغلط مع الاهلي مبنشوفهوش تاني

انتقد خالد الغندور مقدم برنامج زملكاوي عبر قناة الزمالك مجاملات لجنة الحكام واتحاد الكرة للاهلي ، مشيرا الي ان الحكم الذي يخطأ ضد الاهلي يتم ايقاقه ولا يظهر مجددا ، عكس ما يحدث مع الزمالك

حيث قال الغندور : رسالة لكابتن وجيه احمد وعزب حجاج، بس اللي بيدير لحنة الحكام الحقيقي هو احمد مجاهد اللي كان فى كأس العالم للاندية مع الاهلي واحمد مجاهد اهلاوي صرف وخفض عقوبة الشناوي وكنا بنقول عمرو الجنايني زملكاوي وايه بس كان واضح وكل قراراته ضد الزمالك

واستكمل : لما بيكون عندي حكم بيغلط بوقفه معنديش مشكله ماتش الاتحاد لنا ضربتين جزاء لزيزو وحكم الفار محمد ابوخاطر وجالنا ضربة جزاء تانيه لمسة يد داخل منطقة الجزاء على اللاعب الجمايكي
اذا هناك خطأ وعندي حكم بيخطئ فبوقفه ممكن مش يغلط في حق الزمالك لا ممكن يخطئ ف حق منافس للزمالك ف المباراة احنا عاوزين حق كل الاندية تتعامل بالمثل

وواصل :  احمد الغندور حكم مباراة للاهلي كان فاول علي الاهلي محسبوش ومن يومها مبيحكمش ومحمود دسوقي برده لما سيد عبدالحفيظ اتكلم عنه وكان معه مساعد حسام عزب حجاج، وعمرو احمد الشناوي اللي كان حكم فار للاهلي ولغى هدف وفيه خلاف اتوقف من يومها، محمد يوسف اللي محسبش ضربة جزاء للزمالك قدام عينه حكم بعدها ب3 ايام حكم مباراة، ومحمد ابو خاطر اللي محسبش ضربتين جزاء للزمالك كان على الفار النهارده

واضاف : انت بتوصل رساله لايه لو انت اخطئت في حق الزمالك مش هتتوقف ولو اخطئت ومحسبتش ضربة جزاء على الزمالك هتتوقف ولو اخطئت في حق الاهلي هتتوقف، دي رسالة وجيه احمد برعاية احمد مجاهد اللي عاوزين ويوصلوها

واتم : احمد مجاهد طلع بيان اشادة بالاهلي والحكام اللي بيغلطوا في حق الزمالك مبيتوقفوش، محمود عاشور طلع علة الفيس بوك وقال ياريت جمال الغندور وعصام عبدالفتاح لجنة الحكام وقفوه، مش متفائل باحمد مجاهد بيتحكم فى كل القرارات ووجيه احمد بيوقف اللي عجبه دي سبهلله وسمك لن تمر هندي