اكد خالد الغندور مقدم برنامج زملكاوي عبر قناة الزمالك ان شركة اعلام المصريين وضعة خطة من اجل الاستفادة بالوجوة الشابة والموهوبين في قناة الزمالك
حيث قال خالد الغندور : اخبار التريند ايه واخبار ال80 مليون زملكاوي ولا اهلاوي وهنكلم عن التنمر، وعلي مدار سنين شغلي ف الاعلام كنت سبب في اظهار مواهب كتير في التحليل الرياضي
وتابع : احمد عفيفي رجل مهندس وكان عايش فى السعودية وعمل برنامج على اليوتيوب والزملكاوية تابعته وبقى ناجح جدا ومن اشطر الناس وابرزهم حاليا
واضاف : وقررنا مع اعلام المصريين اكتشاف مواهب جديدة واللي بيحللوا المباريات وهتلاقي ناس في جميع المهن وبيفهموا في الكرة تلاقي الظابط والمهندس والدكتور
واستكمل : وهيكون في فقرة جديدة اسمها هوانم الزمالك، لان معظم النساء والبنات الزملكاوية بيفهموا في الكورة جدا ومتعصبين
واستطرد : وهنخلي هوانم الزمالك وهم فوق راسنا يتفرجوا على ماتش الزمالك والاسماعيلي ويبعتوا لنا فيديو مدته 5 دقايق بالكتير تحليلهم اداء باتشيكو والفريقين وهنتفرج على كل الفيديوهات وسيكونوا موجودين معنا في القناة بداية من الاسبوع القادم في فقرة هوانم الزمالك
