اكد خالد الغندور مقدم برنامج زملكاوي عبر قناة الزمالك انه ليس هناك عداله في ملاعب الدوري المصري مما يخل بمبدأ تكافؤ الفرص
حيث قال : البحث عن العدالة شئ مش عيب، وانك تطالب بتحقيق العدل ده امر بيزعل ليه، عاوزين ايه من الدولة ؟ عاوزين دوري عادل
وتابع : عاوز اروح العب في الاسماعيلي والمحلة واسوان عاوز ال 17 فريق يلعبوا خارج ارضهم عاوز العب كزمالك خارج ارضي 17 مباراة، انا عندي الزمالك مع الاسماعيلي ، عندي المنافس بتاعي
وواصل : اللي بينافسوا على الدوري الزمالك والاهلي وبيراميدز وبدأو يتريقوا علي بيراميدز بسبب رمضان واحمد فتحي واكرامي والمواقع بتقولك ادخل شاهد غلطة اكرامي وعناوين لاثارة الجمهور
واستكمل : بيراميدز بيروح يلعب بالعباسية مع البنك الاهلي وببدا بنفسي الزمالك مبيروحش هناك اهو والاهلي، وروحنا السنغال ولعبنا مع تونجيت وعلى ملعب سئ بالغايه ومفيش ملعب سئ كده ف مصر الا ممكن ف الدرجة التانية، ورغم كده بنلعب ف البطولة الاقوى وهي بطولة افريقيا
واتم : الامن بيرفض لعب علي ملعب المقاولون العرب اللي اتلعب عليه نهائي الكونفيدرالية في عز الثورة
وبعد كارثة ستاد بورسعيد ربنا يرحم جميع الشهداء
وصلنا للامن والامان في عهد عبدالفتاح السيسي بعد ماعشنا في ايام صعبة
