اكد وائل القبانى مدافع الزمالك السابق ان محمود حمدي الونش مدافع الزمالك هو الافضل في مصر ويقدم مستويات مميزه
حيث قال عبر برنامج زملكاوي : محمود الونش افضل مدافع في مصر وبعده محمد عبدالغني واسامة جلال لاعب بيراميدز واتكلمت عليه وقولت انه من احسن المساكين في مصر
وواصل القباني : مع احترامي لايمن اشرف مش مساك ومش عنده مقومات المساك والاهلي معندوش ضغط شوفه في الماتشات اللي فيها ضغط
واضاف : مجموعة الزمالك اتصعبت ونتيجة تعادل الترجى والمولودية في صالح الزمالك فى ظل ظروف تعادلنا مع المولودية
وواصل : المجموعة بقت صعبة ولازم تاخد نتيجة ايجايبة مع الترجي ولو خسرت من الترجي هتصعب امورك وهتكون مباراة المولودية يانا ياهما ، والزمالك اقوى فرقة بالمجموعة رغم وجود الترجي
واضاف : فرقة تونجيت متوسطه ومش في الحسبة واللي عملنا الازمة تعادل المولودية لان وارد تتعادل مع تونجيت بسبب الرحلة الشاقة والملعب وكنت انت الاحسن في المباراة وكان ممكن تكسب
وواصل : وحتة داخل او خارج الارض مش زي زمان علشان بتلعب بدون جمهور وانت بتلعب من غير ضغط عليك وكنت بتروح تونس تلعب في ملعب مرعب وشماريخ والجمهور بياثر وجمهورالجزائر اصعب
واتم : حاليا مفيش جمهور الحاجه الوحيدة اللي تقلق منها التحكيم، لكن انت الزمالك ولعيبة كخبرات انت افضل بكتير
