اكد وائل القباني نجم دفاع الزمالك السابق ان البرتعالى جايمي باتشيكو جيد مع الزمالك في المجمل ولكنه لا يعجبه اختراعاته في المراكز
حيث قال : باتشيكو في المجمل كويس وعنده اخطاء معندناش مشكله نعمل روتيشن ومنافسة لكن مش في كل الاوقات ومش كل ماتش تغير مش مرة زيزو يمين ومرة شمال ومرة امام يمين وبعدين مكان ساسي
انت عندك اساس للفريق لازم تحافظ عليه
وواصل : عندك شيكابالا و زيزو يمين متخترعش حد وتجيب امام متجربش الا لما يكونوا موقوفين ، وحط كل لاعب في مكانه انا مش فاهم ليه عندك عمود فقري مثبته طارق حامد الونش واوباما
واضاف : وقولت عمر السعيد كويس وكان لازم يقعد بتغير ف كل المراكز ومقعد اسامة فيصل واللي يلعب راس حربة الجزيري واسامه فيصل ومراون حمدي بعدهم
واتم : واسامة فيصل خامة كويسه وروحت جبت 2 ومشيت عمر السعيد وكان لازم تصبر عليه تفوقه و اوعى يكون قاعد على الدكة ومتطلبش منه حاجه اول 3 ماتشات متطلبش منه حاجه انت جاي تشاركه بعد 6 شهور وتقول ادي عمر السعيد انت بتهزر
شوف لما اخد الثقة وصبرت عليه بيحرز اهداف وبيلعب من غير ضغوط
