رد ناري من موسيماني علي محاولات الصلح مع الهارب كهربا : مش طايقه

اكد مهيب عبدالهادي مقدم برنامج اللعيب عبر قناة ام بي سي مصر ان الجنوب افريقى بيتسو موسيماني المدير الفنى للفريق الأول لكرة القدم بالنادي الاهلي رفض محاولات كباتن الفريق للصلح مع الهارب محمود كهربا

حيث قال : موسيماني مش طايق كهربا وقالها كدا ، ومش في حساباته ومش عاوزه وخارج حساباته عقوبة علي كهربا عقوبة ما هو هينفذها لان في وقت معين مبهدئ الاهلي بتنفذ وعلي اي حد ممكن اسيبك مرة و2 و3 وتقول مش هعمل كده تاني وترجع ريما لعادتها القديمة

وواصل : انت عملتها ف سويسرا وف الزمالك والدنيا كانت بتعدي علشان بتقول بابا وتحضن والدنيا بتعدي لكن مش كله هيعدي انت وانت صغير مكنتش بتعمل كده وكان عندك حمية وغيرة احنا خايفين عليك

واشار : في ايه ؟ ربنا اداك كل حاجه حافظ على النعمة اهدى ياحبيبي،واهدى لعبت مع المنتخب والزمالك والاهلي واخترفت ده اكل عيشك اهم حاجه الالتزام

واستطرد : وانت ف منظومة محترمه وانت قولت كده التزام التزام انت عاوز ايه هتجننا يا اخي والناس بتحبك وزعلانين عليك وبقولك كده علشان لاعب كبير وموهبة لما تخلص اعمل الي انت عاوزه واللي بيتوسطله الشناوي اللي كان عمل معه مشكلة

واتم : انت كده هتكون بره المنتخب لانك هتتوقف شهر انت ف ثانيه كده كسبتنا المغرب اللي كسبناها فى العمر مرتين تلاته