أكد الإعلامي سيف زاهر أن على لاعبي الزمالك محاسبة أنفسهم من أجل إستعادة الإنتصارات مرة أخرى من أجل إسعاد الجمهور خلال الفترة المقبلة.
وقال “زاهر” أقوى فرد في المنظومة هو اللاعب اللى عمر ما حد يحاسبه، وبيجي في الآخر يطالب بمستحقاته سواء كسب أو خسر”
وأشار :” دايما بنشوف رئيس نادي يمشي أو يعقد، أو حتى رئيس اتحاد لكن عمرنا ما شفنا لاعب يمشى بعد أي إخفاق”
وأضاف “زاهر” خلال تقديمه حلقة جديدة من برنامج ” ملعب أون” على قناة ” أون تايم سبورت” :” التقصير مكنش من الناس المسؤولة عن الإدارة زى أشرف قاسم وعبدالحليم على”
وتابع :” لازم نقف مع نفسنا ونكلم اللاعيبة والأرقام اللى الكبيرة اللى بتاخدها، ونقلهم إن فيه جمهور بالملايين يشجعكم وفيه إدارة بتجيب ملايين علشانكم”
وواصل “زاهر” :” اللعيبة لازم تقعد تتكلم مع نفسها، وملهاش علاقة بتغيير إدارة أو غيرة، ولازم اللاعيبة تقفل على نفسها وملهاش علاقة بأي أمور أخرى”
وأتم “زاهر” :” وزير الرياضة ملوش علاقة بالأمور والقرارات اللى جوه النادي، والوزير ملوش علاقة بالمستحقات أو غيره، اللعيبة لازم تحاسب نفسها”
شاهد:
