أكد شادي محمد قائد النادي الأهلي السابق أن مايفعله الهارب محمود عبد المنعم كهربا لاعب النادي الأهلي هو تضيع من وقته داخل الفريق، مشيرًا إلي أن جماهير الأهلي لن تتحمل كثرة مشاكل اللاعب.
وقال “شادي” :” دائما مدرسة النادي الأهلي فيها الثواب والعقاب، وبشوف عقوبة كهربا تضييع وقت وهو لازم يكون رقم واحد في النادي الأهلي”.
وأشار :”بنصحه نصيحة زى ما عملت مع صالح جمعة، واللى بيخرج من الأهلي خسران ولازم اللى موجود في الأهلي يصنع تاريخ”.
وأضاف “شادي” في تصريحات لبرنامج ” البريمو” على قناة ” تن” :” كهربا فيه حاجات هو اتظلم فيها وفيه حاجات هو ظلم نفسه فيها، لأن مدرسة الأهلي الإنضباط فيها غير أي مدرسة برة”.
وتابع :” مفيش حد أكبر من الفرقة ومن النادي الأهلي، ومهما كن اسم اللاعب وكهربا بيهدر الوقت وإمكانياته تمنحة يكون أساسي في المنتخب ولازم يكون في التشكيل الأساسي في الأهلي”
وأتم “شادي” :”بقوله كل ده تضييع وقت في المشاكل وفي الخصومات واللاعب السوبر تاريخه بيكون فيه خطأ واحد أو إتنين، لكن الأخطاء المتكررة مش هتنفع”
وقرر الجهاز الفني للنادي الأهلي تغريم الهارب محمود عبد المنعم كهربا مائتي ألف جنيه، وحرمانه من المشاركة في المباريات لمدة شهر، لعدم الالتزام.
شاهد:
