رفض طارق يحيي نجم الزمالك السابق موجة الهجوم عليه عقب انتقاد الفريق الاول لكرة القدم بالزمالك بعد التعادل امام دجلة
حيث قال : مين اللي قال ان كنت قاس عمري ما انتقدت لاعب احنا مساندين، انا اتكلمت عن اللي رافض يجدد وانا لا ذكرت اسماء ولا قولت حاجه ولا قولت اسم باتشيكو
واستطرد : واتكلمت في العموم وقولت الزمالك مش هيقف علي حد وقولت نجوم كبار من ايام حمادة امام ومرور بحسن شحاته وفاروق جعفر
وتابع : وقولت الزمالك مبيقفش على حد ومقولتش اسماء، ولما انتقد واقول الزمالك مكنش موفق علشان اكون صادق امام الجمهور
وواصل : وفي ماتشات المحلة والمولودية قولت الزمالك قدم مبارايات كبيرة لكن مفيش توفيق
ومكلمتش عن حد ولا طريقة لعب انا بكلم فى العموم
واضاف : مثال ليفربول اخد الدوري الموسم الماضي النهارده هم فين هي بتجي طفرة بيكون في توفيق وتركيز وثبات تشكيل واصابات غايبة فان دايك ماثر علي ليفربول
واشار : الزمالك كان عنده اصابات وكورونا ورحيل مصطفى محمد كل الامور اتجمعت علي الزمالك في بعض الماتشات
