عمرو عبد السلام يكشف كواليس خلاف جنش وأبو جبل… وحقيقة فقدان باتشيكو السيطرة على “أوضة اللبس” في الزمالك

كشف عمرو عبدالسلام مدرب حراس نادي الزمالك كواليس الخلاف بين محمد أبوجبل ومحمود عبدالرحيم “جنش” حراس مرمى الفريق خلال فترة تواجده في الجهاز الفني للزمالك.

وقال ” عبد السلام” :” الظروف الاستثنائية أدت إلي وجود 3 حراس “كبار” في نادي الزمالك من بداية الموسم، حراس الزمالك الثلاثة كانوا على أعلى مستوى من الانضباط والالتزام معي”.

وأشار :” أزمة حراس المرمى في نادي الزمالك كانت “موجهة” لإثارة البلبلة داخل الفريق، ومحمد عواد كان سيخرج للإعارة “بدون مقابل” لولا رفض رئيس النادي وقتها”.

وأضاف ” عبد السلام” خلال تصريحات لبرنامج ” أوضة اللبس” على قناة ” النهار” :” في المران الأساسي في السنغال باتشيكو جالى وقالى انا شايف ان جنش يتمرن بشكل كويس، وايه رايك نديله مباراة بكرة “.

وتابع :” قولتله انا معاك ان جنش يتمرن بشكل كويس، وانا معنديش ازمة، وباليل قعدت مع باتشيكو وجنش وباتشيكو قالة انت بتتمرن كويس وانت هتاخد الماتش بكرة”.

وكشف ” عبد السلام” :” كلمت أبو جبل قولتله احنا شايفين انك تريح الماتش ده والراجل حابب يشيل الضغط عليك الفترة دى وانت شغال كويس وفى اى وقت هنحتاجك هنلاقيك، وأبو جبل اضايق شوية وده طبيعي “.

وأكد :” توقيت رحيل باتشيكو كان صعب جدًا، وكان لازم يكمل لما بعد الترجي و المولودية، الحديث عن فقدان باتشيكو السيطرة على أوضة اللبس غير صحيح على الإطلاق وأنا شاهد على الكلام ده”.