خرج أمير مرتضى منصور المشرف العام على الكرة بنادي الزمالك السابق عن صمته، وهاجم تصريحات عمرو الجنايني رئيس اللجنة الثلاثية المكلفة بإدارة اتحاد الكرة المصري سابقا بعد تصريحات في تطبيق ” كلوب هاوس “.
وقال أمير مرتضى عبر حسابة الشخصي على موقع التواصل الاجتماعي ” تويتر ” : الناس اللي معندهاش دم وبتدخل على clubhouse وتقول اي كلام على اساس انه في صالون بيتهم ومحدش سامعهم ومحدش هيكدبهم.
وتابع : ياريت تتكسفوا على دمكوا شوية الناس مش بيتضحك عليها ولو ناسي افكرك ولا نسيت ال ٦ نقط اللي خصمتهم وايقاف شيكا وعبدالله جمعة وازمة القيد ومكافأة الكونفدرالية وحاجات كتيرة.
وواصل : كلام عمرو الجنايني كذب وعمري ما طلبت منه حاجة للزمالك وعملها بالعكس كان بيعطل وبيضر الزمالك وبعدين هاخد رأي واحد فاشل ليه!!.
وأتم : خربت الزمالك وانت في مجلس ادارته مع ممدوح عباس وكملت تخريب وانت في اتحاد الكرة..انت ولا كنت محايد بين الاهلي والزمالك ولا كنت متحيز للزمالك انت كنت ولا حاجة.
