أيمن يونس يطلق قذائفه: جمهور الزمالك يشعر بالاضطهاد والإعلام في مصر ” أهلاوي” – فيديو
أكد الكابتن أيمن يونس نجم الزمالك السابق، أن جمهور نادي الزمالك يشعر دائما بحالة إضطهاد نتيجة الممارسات التي تدار حوله في الوسط الرياضي، وعلى مستوى الإعلام الذي ينتمي غالبيتهم للنادي الأهلي.
وقال ” يونس” : في إجابة على سؤال هل جمهور الزمالك يعانى من عقدة الإضطهاد والمؤامرات ” أنت عاوز بعد بكل اللى الجمهور بيشوفه ده وميحسش بالظلم والاضطهاد؟”.
وأشار :” ده راجل دكتور جامعه بيعمل سؤال سخيف ضد بن شرقى، لعيب يتوقف فى الزمالك بسبب فعل معين ولعيبة تانية بتعمل نفس الفعل ومبتتوقفش ولا تتعاقب”.
وأضاف “يونس” خلال استضافته في برنامج ” مساء أون” على قناة ” أون تايم سبورت” :” طول ما مفيش نظام وعدل طبعاً الجمهور هيبقى حاسس بالإضطهاد والظلم وده حقه”.
وتابع :” الإعلام في مصر أغلبة أهلاوي، مش كلة أكيد، وفيه إعلاميين تطلع تقول أنا أهلاوي، وانا مقدرش أجامل الزمالك لو بحلل لقاء، ويمنفعش إعلامي يطلع يقول أنه أهلاوي طالما لم يمارس كرة القدم في الأهلي”
وواصل :” احنا اللى وصلنا الحكام للمستوى ده، وليه منجبش حكام أجانب تحكم هنا، ونجيب لجنة حكام أجنبية تدير المنظومة، واحنا جزء من مشكلة الحكام”
وأتم :”محدش ساعد أن يكون فيه كوادر رياضية في نادي الزمالك، وفيه كوارد موجودة حاليا بس مش واخدة فرصها”.
شاهد:
