انتقد الإعلامي أحمد موسي محمد الشناوي حارس مرمى النادي الأهلي، وذلك بعد خسارة الفريق الأحمر أمام سموحة في الدوري بثنائية مقابل هدف، في المباراة التى جمعتهم منذ قليل.
وسجل هدف التقدم لسموحة اللاعب محمد حليمو في الدقيقة 10 من عمر المباراة قبل ان يتعادل حسين الشحات في الدقيقة 32 قبل أن يسجل حسام حسن هدف الفوز في الدقيقة 93 ليتلقى الأهلي الهزيمة الأولى في الدوري.
وقال ” موسى” :” مكنتش حابب اتكلم على الكورة علشان الأجواء الرمضانية، ومحمد الشناوي كنا بندعيله الأسبوع اللى فات، ورجع النهاردة وفي آخر دقيقة عمل فيها عنتر” .
وأضاف “موسي” خلال تقديمه حلقة جديدة من برنامج ” على مسئوليتي” على قناة ” صدى البلد” :”الشناوي كان عنتر واقف في نص الملعب ومش معقول الأهلي ضيع عشرين جول، وكورة واحدة راحت لحسام حسن جاب منها جون”.
وتابع :” الشناوي في آخر دقيقة واقف في نص الملعب وتايه، وايه اللى موقفه هنا، وفيه حاجات كده لازم نتكلم فيها خاصة وإنه كابتن الأهلي”.
وأتم ” موسي” :” لازم يكون فيه عقاب خاصة لما الفرقة تخسر في آخر ثانية بسبب الاستهتار و محدش بيحاسب حد و مين هيحاسب الشناوي على الغلط ده”
شاهد:
«الشناوى عمل فيها عنتر» .. تعليق نارى من أحمد موسى على خسارة #الأهلى#على_مسئوليتي #صدى_البلد pic.twitter.com/BMsvuQabMa
— صدى البلد (@baladtv) April 21, 2021
