أوباما يخرج عن صمته ويرد على هجوم جمهور الزمالك عليه.. ويكشف سبب عدم انضمامه لمعسكر المنتخب – فيديو
رد يوسف إبراهيم “أوباما” صانع ألعاب نادي الزمالك عن هجوم الجمهور عليه خلال الفترة الماضية، مشيرًا إلي أنه يقدر حب ومشاعر جماهير الفارس الأبيض، وسعيهم لدعم ومساندة الفريق خلال مسيرته.
وقال ” أوباما” :” في البدايه المنتخب كانوا بيكلموني وبعدها في آخر لحظة لم انضم، وده بياثر معايا ومع أي لاعب، وعلى طول كابتن عبد المقصود وأسامه نبيه، وشيكا والونش وطارق وكل اللعيبة بيقولولي هتروح والمعسكر الجاي قريب “.
وأشار :” احنا مجموعة بتحب النادي وبتخاف عليه وعاوزه النادي في أحسن حته طول مانت في المجموعة بنحاول بنوصل بالزمالك لاحسن حاجه، و أوباما الزملكاويه يعملوا اللي عاوزينه وينتقدوني زي ما يحبوا”.
وأضاف ” أوباما” في تصريحات لبرنامج ” زملكاوي” على قناة ” الزمالك” : “شيكابالا قائد بمعنى الكلمة بيكلم، وبيطالب بحقوقنا وبيكلم مع مجلس الإدارة بدون مانعرف، وكلنا عارفين شيكا وامكانياته”.
وتابع :” اللى ميعرفش شيكا كويس هيصدق اللي بيتقال عليه، لكن اللي يعرفه حد خجول و محترم وكويس وكفايه حب الناس له، وشيكابالا بيجيب لنا فلوسنا واول واحد بينزل التدريب”.
وواصل “أوباما” :” حازم إمام بيحب النادي بطريقة ومشوفتش حد كده وممكن يعيط علشان خاطر النادي”.
وأكمل “مصطفى محمد شخصية عنده طموح وأهداف وعاوز يحترف أكيد متوقع نجاحه وإن شاء الله يكسر الدنيا وكلنا معه وكلنا واحد وبنحب واحد وما بنصدق حد فينا ربنا بيكرمه وينجح وكأنه احنا”.
واستطرد ” أوباما” :” جمهور الزمالك احسن وانضف جمهور في مصر واكتر جمهور بيفهم كرة وبيزعل من يوسف مش تقليل منه لا عاوز يشوف يوسف اللي منهم احسن واحد ف الدنيا وأنا عارف النقطة دي”
وأتم ” أوباما” :” بشكرهم وبوعدهم الفتره الجايه تكون احسن وجمهور الزمالك في حته تانيه”.
شاهد:
