رفض حمادة عبداللطيف ضيف برنامج زملكاوي عبر قناة الزمالك الهجوم علي فرجاني ساسي لاعب خط وسط الزمالك بعد رحيله، مطالبا الجمهور بتوجيه الشكر له وعدم الهجوم عليه
حيث قال :كرة القدم بقت احتراف وعلشان لاعبي الزمالك تركز لازم توفر لها مستحقاتهم دلوقتي اجر مقابل عمل انا باديك فلوس هتلعب وتجيب لي بطولات
وواصل : الناس بتهاجم ساسي ليه هو لاعب محترم وعمره متمارض جدد معنا اهلا لومجددش نتمنى له التوفيق ومنشتموش وهو لاعب محترف هيشوف مصلحته فين لاعب ممتع وامتع جماهيرالزمالك
واضاف : وكلنا بنحبك يافرجاني علشان انت مقصرتش معنا ولا خونتنا
كما اكد حمادة عبداللطيف انه يجب توافر 3 امور فنية من اجل فوز الزمالك ببطولة دوري الموسم الحالي
حيث اكد انه يجب تجهيز البديل المثالس نفسيا وفنيا ، بجانب ان يكون هناك ابتكار من المدير كارتيرون ، بجانب وجود حلول وابتكار من اللاعبين
حيث قال حمادة عبداللطيف : قبل ما تثبت التشكيل لازم تجهز البديل المناسب اللي يكسبك بس تجهزه نفسيا كويس
واشار : عندنا 9 لعيبة لا خلاف عليها لكن البديل هو اللي يقلق، مخافش على الباك ليفت اخاف على مركز زي طارق حامد وساسي لان ملهمش بديل، والباك اليمين اقلق لغياب حازم علشان احمد عيد قليل الخبرة والمثلوثي بدا يدخل
واتم : عاوز مدير فني مبتكر وعندنا 9 ماتشات لومتبكرش هو واللاعب مش هتكسب ومش هتاخد دوري
