تحدث حمادة طلبة لاعب الزمالك السابق، عن قرار إعتزاله كرة القدم، مشيرا إلي أنه يتمنى أن تكون مباراة اعتزاله بين نادي الزمالك و المصري البورسعيدي.
وأكد حمادة طلبة لاعب الزمالك السابق و منتخب مصر عبر “زمالك نيوز” صباح الأربعاء أنه قرر اعتزال لعب كرة القدم بشكل نهائي بعد مسيرة ناجحة للاعب.
حماده طلبه يعلن إعتزاله كرة القدم ، و يتولى القيادة الفنية لـ هذا الفريق
وقال ” حمادة” :” شايف أنى أديت بشكل كويس خلال الفترة اللى فاتت، وأديت بإخلاص مع كل الفرق ومع منتخب مصر، وهبدا في التدريب الفترة الجاية”.
وأكد ” طلبة” :” متفائل خير ان شاء الله وعندنا نادي الجمارك كان بيلعب في الممتاز ب، وطلع لاعيبة كبيرة زى محمد زيدان وفيه مستثمر شغال معانا، وان شاء الله نسعى في التدريب وهنبدا خطوة خطوة وواثقين في الناس اللى في النادي ان شاء الله”.
وأضاف ” حمادة” في تصريحات لبرنامج ” البريمو” على قناة ” تن” :” نادي الزمالك هو اللى عرف الناس حمادة طلبة وهو اللى خلانى اروح المنتخب، والحمدلله لعبت في 10 أندية واديت فيهم بإخلاص “.
وتابع :” الظروف الحالية صعب نعمل فيها ماتش اعتزال وان شاء الله نرتب الأمور دى، واتمنى يكون ماتش اعتزالي بين الزمالك والمصري لأنهم بيمثلوا ليا حاجة كبيرة” .
شاهد:
