انتقد محمد ابوالعلا مقدم برنامج زملكاوي عبر قناة الزمالك جدول الدوري الجديد ، مؤكدا ان هناك خلل بالجدول يضعف الزمالك امام اقرب منافسيه وهو خوض الابيض مواجهاته قبل الاهلي ،مما يمثل ضغط علي الابيض
حيث قال ابو العلا : كلنا عرفنا ان في جدول الدوري طلع ، انت كنت عارف انك ممكن تلعب يوم31 في الاوليمبياد ، محدش عارف الجدول كان عامل ازاي هل ال3 ايام دول السبب في عدم معرفتك جدولك عامل ازاي وعمل لخبطه
واشار : اتشال ماتش اسوان في الكأس اللي كان عامل ازمة وقالك علشان الضغط واتحط جدول وفيه ضغط
واضاف : اقرب المنافسين لنا بيلعبوا بعدينا من فترة يعني وصلنا ل7 مباريات فرق مينفعش العب على طول قبل المنافس مش معقوله حد يكون عارف دايما عاوز ايه من الماتشات ، وانا بلعب دايما سابق ومفيش عداله
واستطرد : من يوم 7 بنلعب قبلهم وده مش مريح ومفيش عدل لانه متكرر بيلعب قبل الزمالك اتفهمه لوانا بلعب يوم قبله او ساعتين وهو يلعب قبلي يوم لكن فريق دايما الاول فده معناه بتيجي علي فريق
اخر 4 جولات اعلنت منهم في نفس التوقيت
وشدد : الجولات من28 ل30 الزمالك هيلعب قبل اقرب المنافسين له مرة بيوم ومرة بساعتين كنت وزعتهم ، مرة في نفس التوقيت ومرة هو الاول
ومينفعش فريق يبقى عارف هوعاوز ايه وينزل يلعب على ده وده مفيش فيه عداله
واتم : مينفعش في مرحله الحسم يحصل ده ، وبطلب مجلس الادارة في اجتماع بكره يكلم عليها من باب تكافو الفرص لان الامر ده خطير لو لعبت كل الماتشات قبل اقرب المنافسين اللي هو الاهلي
وأعلن الاتحاد المصري لكرة القدم جدول مواعيد مباريات الدوري الممتاز حتى نهايته بعد خروج المنتخب الأولمبي من دورة الألعاب الأولمبية عقب الخسارة من البرازيل في الدور ربع النهائي.
وجاء جدول مباريات الزمالك كالتالي:-
-الجولة الـ28 .. الزمالك ضد غزل المحلة يوم 7 أغسطس على ستاد الإسكندرية في السابعة مساءً .
-الجولة الـ29.. الاتحاد السكندري ضد الزمالك يوم 10 أغسطس على ستاد الإسكندرية في التاسعة مساءً.
-الجولة الـ30.. الإسماعيلي ضد الزمالك يوم 14 أغسطس على ستاد الإسماعيلية في السابعة مساءً.
-الجولة الـ31.. الزمالك ضد وادي دجلة يوم 17 أغسطس على ستاد القاهرة في التاسعة مساءً.
-الجولة الـ32.. سيراميكا كليوباترا ضد الزمالك يوم 20 أغسطس على ستاد السويس الجديد في التاسعة مساءً.
-الجولة الـ33.. الزمالك ضد الإنتاج الحربي أحد يومي 23 أو 24 أغسطس على ستاد القاهرة.
-الجولة الـ34.. البنك الأهلي ضد الزمالك أحد يومي 26 أو 27 أغسطس على ستاد بتروسبورت.
