تراجع خالد الغندور مقدم برنامج زملكاوي عبر قناة الزمالك عن تصريحه السابق بعدم وجود اهمية لمحمد الشناوي مع المنتخب الاولمبي، مشيرا الي انه تالق امام استراليا
حيث قال : مفيش فى المنتخب زمالك واهلي ، ولما قولت ان الشناوي كان مش مفيد ده لانه في الماتشين الاول ال2 كان مفيش خطورة وكان عندنا قصور في الهجوم ، والنهارده كان له 3 تصديات حاسمه
واستطرد : غير انه فى اكتر من كرة كان بيطلع يخرج الكرة مما لاشك فيه رجل المباراة الشناوي والونش ورمضان وحجازي واكرم واحمد ياسر ريان وناصر منسي لما نزل صنع الفارق
وشدد : كريم العراقي كان في اوقات بيسرح وربنا ستر في كذه كرة وهو لاعب كويس ، الشناوي هيقضيها مع المنتخب وان شاءالله
وواصل : مصر عندها حارس كبير جدا اسمه محمد صبحي وهو احسن حارس في افريقيا تحت 23 سنة وهو موهبه رائعه والاتحاد عاوزين يحتفظوا به وهيبقى احسن حارس في افريقيا ، وهو رجل اوي وبيتعلم من الشناوي لانه حارس كبير
واتم : مبروك لمصر نتنافس في الكرة وادافع عن الزمالك وغيري يدافع عن الاهلي ، ولوكسبنا البرازيل هنوصل لحته تانيه وتأهلنا هنلعب علي ميداليتين لو تاهلنا للنهائي او ناخد ميدالية برونز
