الغندور يفضح مبادئ الاهلي المزيفه بعد التعاقد مع اوجستى

شن خالد الغندور مقدم برنامج زملكاوي عبر قناة الزمالك هجوما علي تعاقد الاهلي مع اوجستي بوش مدرب الزمالك السايق

حيث قال  : من حق الاهلي يتعاقد مع اوجستي ، لكن محدش يقول الخطيب مانع التفاوض مع لاعبي اومدربي الزمالك ومنبه علي مدير التسويق وخطف لاعب الطائرة

واشار : شوفنا وجه اخر من الاهلي الفترة الاخيرة كنا نتمنى ان يكون افضل ، قدمنا تهنئة قوبلت بتريقه وشتم كابتن الفريق شيكابالا ، وخطف لاعب الطائرة والتعاقد مع مدرب السلة

واضاف : كان يقال ان عمر الاهلي بيعرف يجيب مدربين وبيحصل علي بطولات وبيجيب المدرب وينجمه وبعدها بتاخدوه دلوقتي اخدتوا مدرب الزمالك بعد حصوله على بطولات محدش من الاعلاميين يقول او يكلم ان كابتن الخطيب مانع وقال اوعوا تفاوضوا مع حد في الزمالك

واستكمل : العلاقة الطيبة بانت في الفترة الاخيره بتصريحات مدير الكرة وخطف لاعب ومدرب السلة والرد علي التهنئة بالتريقه

واستطرد : المعاملات بتبان بالافعال وليس الكلام على الفاضي والمليان وتحسين الصوره من الاعلاميين ولكن الواقع غير كده

وشدد : بيقولوا عقد اوجستي انتهى علي مر التاريخ اي لاعب خطفه الاهلي من الزمالك كان بعد ما عقده انتهى ولا منتهاش

واتم : اوجستي متعاقد مع الاهلي من شهرين فاتوا بعد خروجهم من بطولة الدوري ووالتر هودج في الطريق لانه مرتبط به ، ففكرة اننا منقدرش نتفاوض مع لاعب عقده مستمر فطبيعي انه بيتفاوض معه وهو عقده منتهي