اشاد حازم امام ظهير ايمن الفريق الاول لكرة القدم بنادي الزمالك بالبرتغالي جيزوالدو فيرير المدير الفنى السابق للفريق ، مؤكدا انه مدرب مميز
حيث قال : اهم موسم في حياتي 2014/2015 والحصول علي الدوري لان كان حلمي الفوز بالدوري لان اتصعدت في فترة كلها مشاكل
واشار : مستر فيرايرا نقلنا كلنا نقله تانيه وهو عبقري وهو في حته تانيه غير اي مدرب موجود وكان حلمي ان اشوفه ومكنش بيحضر التمرين بيقعد بره وبيتابعنا من فوق ويوقف التمرين يوجهنا والمساعدين هم اللي معنا في التدريب
واستطرد : عملنا ماتش ودي اول لما جه وماتش ودي مع الناشئين وفزنا 11 وكنا فرحانين لقيناه مصور الماتش، وقال دي مش طرق اللعب الصحيحه ازاي المهاجم بتاعنا عند خط ال18 والمدافع عند خط ال18 بتاعنا وكنا بنلعب في مساحة كبيرة
وواصل : ودربنا معه بعدها وعملنا ماتش ودي وبدانا نلعب في مساحه صغيرة ومنتعبش زي الاول
واتم : زعلت جدا لما مشي فيريرا وكل اللعيبة حتى اللي مكانش بيلعب كان بيحبه
