انتقد محمد ابوالعلا مقدم برنامج زملكاوي عبر قناة الزمالك اللغط الكبير وتصدير الشائعات ضد الزمالك في محاولة عرقلة الفريق
حيث قال ابو العلا : ملينا من كتر الرد على الشائعات مفيش يوم بيعدي من غير شائعة زي لاعيبه جاي لها عروض واعارات بعد التجديد
واستكمل : شائعات مرهقه وضغط على اللعيبة وخروج عن التركيز ، الفترة اللي فاتت تعودنا على العمل في صمت وده مشهود للجنة الحاليه ولامسين حاله من الهدوء في الزمالك منذ فترة طويله مكانتش موجودة
واستطرد : معرفش اذا كانت الشائعات دي ليه ، ولما متلاقيش حالة لغط على فريق الكرة تلاقي اي كلام تاني في اي موضوع
واستكمل : وحاله من حالات البلبلة زيادة عن اللزوم ومحتاجين رد سريع على الشائعة وده حصل الفترة الاخيرة علشان كرة التلج متكبرش
وواصل : رصدنا ان في محاولات للتشتيت لازم يبقي عندنا وعي وادارك ان فى خطى ثابته وفي انجازات وفي مؤشر انك ماشي في طريق الاساسي والصحيح والزمالك وجماهيره يطمنوا ويستحقوا ده
واضاف : وقدرنا نتيجة تراكمات وتشوهات بيكون فى فتحة بيجي منها شائعات ، الناس الموجودة منظمين وامورهم محدده خلال الشهر ونص اتبنى جسر ثقه بينهم وبين اللعيبة وحل مشكلات وتجديد التعاقدات
وفي خطوات للنادي الاجتماعي
وشدد : سمعنا ان الونش واوباما بعد ما جددوا في عروض احتراف ودوشه وبيدخلك في متاهات والناس واخدين اجازة يستمتعوا بها علشان يرجعوا مركزين في اخر 9 ماتشات دوري وكأس
واتم : علشان يكللوا الموسم ببطولتين الدوري والكاس لان الزمالك يستحقهم رغم الظروف الصعبة
