أثار تصريح كريم حسن شحاتة المدير الرياضي لنادي البنك الأهلي بخصوص عمل ممر شرفي للاهلي بعد تتويجه ببطولة دوري أبطال أفريقيا حالة من الجدل على مواقع التواصل الاجتماعي.
ومن المقرر أن يلتقي الأهلي مع نادي البنك الأهلي في بطولة الدوري العام عقب نهائي دوري أبطال أفريقيا بين الأهلي وكايزر تشيفز الجنوب إفريقي في المغرب.
وقال “كريم” :” مش عارف الناس زعلانه ليه ولو أي فريق غير الأهلي كنت هتمناله الخير، وانا زملكاوي صميم ودى قصة مقفولة”.
وأشار :” نفسنا الاهلي يكسب البطولة و معندناش ازمة خالص في ده وانا هنا بتكلم بصفة مسؤول رياضي في نادي تاني وده مش رأيي شخصي دي رؤية النادي اللى شغال فيه”.
وأضاف “كريم” في تصريحات لبرنامج “التريند” على قناة الأهلي :” نتمنى الأهلي يكسب ونعملة ممر شرفي و لو الزمالك كسب ببطولة وكان عندنا ماتش معاه بعدها هناخد نفس الإجراء معاه”.
وتابع :” فيه فترة من الفترات كنت على خلاف مع رئيس نادي الزمالك السابق وسخن عليا الجمهور بشكل كبير وكان بيتعرض ليا بألفاظ خارجة كتير “.
وواصل :” كان بيتم تلفيق تصريحات مغلوطة كثيرة على لساني عشان كانوا عايزين يخلوا جمهور الزمالك يحس إن كريم ضد نادي الزمالك”.
وأتم ” كريم” :” انا بحترم كل الأندية ولو فيه اي نادي بيلعب خارج مصر هشجعة سواء كان الأهلي أو غيره”.
شاهد:
