عمرو الدردير يفتح النار علي الاعلام بعد تجاهل خليفة فرجاني ساسى في الاهلي

انتقد عمرو الدردير ضيف برنامج زملكاوي تجاهل الاعلام تسليط الضوء علي ازمة علي معلول مع الاهلي بعد طلب اللاعب راتب كبير للتجديد مع الاحمر، مثلما فعل فرجاني ساسي مع الزمالك

حيث قال :الاعلام مش هيعمل غير انه يولع في اوضة لبس الزمالك ، النهارده اوضة اللبس محدش اتكلم عليها ولا اتأثرت ولا حد زعلان بعد الاعلان ان علي معلول هياخد مليون و800 الف دولار

واستكمل : وانا معلوماتي بتقول اكبر عقد عندي في الاهلي 11مليون وانا بتكلم ان في لاعب هياخد 30 مليون ولاعب 11 وانا عارف ان المعلن عنه اقل

واستطرد : ومشوفتش اعلامي واحد قال اوضة اللبس هتزعل

كما اكد عمرو الدردير ان اتحاد الكرة سيصمت علي فضيحة مباراة الاهلي وبيراميدز وتجاوزات الجانب الاحمر من دخول جماهير وسباب وغيره

حيث قال : الوضع الطبيعي متتظرين قرار لجنة المسابقات مبنكملش 8 ساعات وكان في عقوبات علي شيكا والزمالك

واشار : احنا مستنين العقوبات على الجمهور في ماتش الاهلي وبيراميدز واللي شتموا رمضان صبحي ولازم ياجماعة حرام عليكم ده منافسه شريفه

واستكمل : وزي ما عاقبتني عاقب الاهلي وده مطلب عادل جدا وزي ما  طبقت معايير عليه طبقها علي غيري

وشدد : ولا تكون بتطبق المعايير عليه انا بس والعقوبات عليه ويارب تطلع العقوبات بما يرضي الله والمراقب يطلع في الاعلام ويقولوا زي ماقولوا يوم الزمالك ضميريا اكتب

وتطرق :صعب الشناوي يروح الاوليمبياد لان الاهلي رافض ، احنا بنظم مسابقات كرة القدم الهدف،منها ايه المنتخب لما انا اقول مصلحة فرقتي اهم من المنتخب لا

واضاف : الاسماعيلي كان بيلعب نهائي افريقيا واخدوا منه احمد فتحي وحسني عبدربه في بطولة افريقيا

واتم : وليه يطبق على الاسماعيلي وميطبقش على الاهلي
ولازم الكل يطبق عليه