نصيحة ميدو لـ مسؤولي الزمالك للتعامل مع تصريحات سيد عبد الحفيظ المستفزة – فيديو
قدم أحمد حسام ميدو نجم نادي الزمالك السابق، نصيحة إلى مسؤولي القلعة البيضاء من أجل التعامل مع تصريحات سيد عبد الحفيظ مدير الكرة بالنادي الأهلي والتي تتناول بعض المسائل المتعلقة بنادي الزمالك.
وقال ” ميدو” :” الأندية الكبيرة كلها مبتكسبش بطولاتها جوة المعلب بس، بتكسب البطولات جوة وبرة المعلب، والأهلي بيشغل كل المفاتيح بتاعته، والأدوات اللى يقدر يكسب بيها الدوري وده حقة”.
وأشار :”الزمالك هو المنافس المباشر للأهلي على لقب الدوري، والزمالك لا يمتلك مدير الكرة ولا يملك أى شخص داخل النادي عندة الخبرة اللى يقدر يجاري بها الكابتن سيد عبد الحفيظ في الحرب النفسية اللى بيعملها”.
رد صادم من ميدو على تصريحات سيد عبد الحفيظ المدلسة – فيديو
وأكد” ميدو” خلال تقديمه حلقة جديدة من برنامج ” أوضة اللبس” على قناة ” النهار” :” كارتيرون لو دخل الجيم ده مع سيد عبد الحفيظ هيبقى مشكلة كبيرة، خاصة في ظل غياب متحدث رسمي لنادي الزمالك”.
وكشف ” ميدو”:” الحل انا قولته لبعض المسؤولين داخل نادي الزمالك لتفادي هذا الأمر الموسم الماضي، والنصيحة اللى بقدمها لمسؤولي الزمالك هى عدم مجاراة سيد عبد الحفيظ في هذه اللعبة”.
وتابع :” سيد عبد الحفيظ أصبح متمرس بشكل كبير في الجيم ده، ودى نصيحة لمسؤولي الزمالك بعدم الرد والتركيز في الملعب فقط إلا لو فيه حاجة تستدعي الرد”.
وشدد” ميدو” :”أي حد هيطلع يرد على سيد عبد الحفيظ هيكسبة جامد ومحدش يطلع يرد قدامه ولازم الصمت ولازم اللاعيبة هى اللى ترد ي الملعب وتحافظ على حقوقك من خلال خطابات رسمية وعلاقتك باتحاد الكرة لأنه عايزيز يسحبك لحته الرد عليه”.
