اكد محمد ابو العلا مقدم برنامج زملكاوي عبر قناة الزمالك ان الزمالك فاز علي الاسماعيلي وتصدر جدول المسابقة رغم الدوري الغريب العجيب والتحديات الصعبة، مؤكدا ان الاببض مر بظروف وقرارات غريبه في مسابقة الدوري ويعلمها الجميع ومع ذلك تصدر
واشار : بقول للجمهور الف لف مبروك وبحيي اللاعيين والجهاز الفني على الفوز، كانت مباراة مهمة جدا كان في ناس عندها قلق لان الاسماعيلي عمل اداء رائع في الدور التاني بالدوري
واشار : بتفوز باستاد الاسماعيليه وما اراك ما ستاد الإسماعيلية ، الزمالك يثبتلنا انه متشبث بالدوري وفي رسايل من اللاعبين انهم متمسكين بالدوري واصرارهم وقتالهم في الملعب بيقول ده
وتابع : وكلنا كنا متخوفين لغياب بن شرقي والماتش الجاي هيغيب الونش وعبدالشافي ولكن الحاله الجماعية موضحه ان الشخصية الجماعيه طاغيه والجهاز الفني مسيطر علي زمام الامور
واستكمل : اخدنا 12 من 4 مباريات ، ولسه 12 يوم ب12 نقطه ف الدوري العجيب الغريب الرهيب ده
واتم : الزمالك رغم كل التحديات متمسك بهدفه بيلعب ع ال3 نقاط و12 نقطه يحسمولنا بطوله غاليه علينا وغايبه من5 سنين والجيل الحالي يستحقها معندناش رفاهيه الكلام والفرحة المبالغ فيها محتاج تكون مركز
