حذر محمد الاتربي نائب رئيس الزمالك من الاربع مباريات القادمة للزمالك عقب الفوز علي الاسماعيلي اليوم ، مؤكدا ان الفخ هو ان هذه الفرق تصارع للبقاء ولن تفرط في نقاط مبارياتهم بسهوله
وقال محمد الاتربي عبر قناة الزمالك : الحمدلله اخر 3 مباريات وبالذات الاتحاد في اسكندريه والاسماعيلي بالاسماعيلية كانوا مباريات صعبه ومفيش مباراة سهلة والحمدلله تخطيناهم واحنا في الامتار الاخيره وان شاء الله تكمل علي خير
واضاف : كان في اجتماع مع اللعيبة وروحهم المعنويه مرتفعه وعاوزين يفرحوا جمورهم ماتش الاتحاد الكرة كانت فى ملعب الاهلي بالمواجهات المباشرة وبعد تعادله مع الاسماعيلي الكره النهارده بقت في ملعبنا
وواصل : واللعيبة مقدره فاضل 4 ماتشات لوكسبتهم انت بطل الدوري عندهم اصرار وحماس والاحتياطي بيشارك في الفرحه وبيسجدوا لربنا
وتابع : الدوري لم يحسم بعد ، لسه 12 نقطه ربنا يكملها واحنا فى ايدينا نحسم الدوري، المباريات المتبقية بتصارع على الهبوط دجلة وسيراميكا والانتاج والبنك الاهلي، الاهلي عنده ماتشات صعبه وعنده المصري حسم الكونفيدراليه الان المصري فرقة محترمه وبرده الجيش فريق محترم
واستكمل : احنا ضيعنا نقطتين مع الجونة واسوان والمحلة والاهلي ضيع نقط برده ، مفيش ماتش مضمون والدوري هيتحسم في اخر جوله والدوري بايدينا وان شاء الله نتوج به
واردف : اللعيبة روحهم المعنويه عاليه وربنا يكرمهم وهيحصلوا ع مكافآت وبندعمهم 100% وهم رجاله وان شاء الله يفرحوا جمهورهم بالدوري ونستنى مباريات الكاس
واتم : اللعيبة عندهم اصرار والنهارده غاب بن شرقي وهو لاعب محوري ومهم جدا انما الفرقة مش 11 لاعب انما الفريق كله يالاحتياطي ، هانت وان شاء الله نفوز بالدوري
