علق حسن يسرى نجم يد الزمالك السابق والمشرف على فريق اليد في نادي الزمالك على قرار إعلان أحمد الأحمر بالاعتزال الدولي بعد نهاية مشوار منتخب اليد في دورة الألعاب الأولمبية المقامة في طوكيو 2020
وقال أحمد الأحمر أسطورة منتخب مصر لكرة اليد في تصريحات تلفزيونية إن أولمبياد طوكيو ستكون الأخيرة له في مشواره الدولي مع “الفراعنة” والذي شهد العديد من الأرقام والتتويجات الكبيرة.
وقال ” حسن يسري” :” أحمد الأحمر هو صاحبي جدا واخويا الصغير التاريخ هيقف قدامه كتير جدا، أحمد مكسر أرقام في كأس العالم و أوليمبياد وكأس عالم للأندية”.
وأشار :” أحمد حالة فنية ومهارية وأخلاقيه صعب تكرارها، وبقوله ناس كتير من الجمهور هيفتقدوا حاجات كتير كانوا بيشوفوها في الملعب، وانا كحسن شايف انه احسن توقيت للاعتزال اللعب الدولي”.
وأضاف ” يسري” في تصريحات لبرنامج ” زملكاوي” على قناة ” الزمالك” :” كنت تستاهل ميدالية اوليمبية وكأس عالم لانك كسرت كل حاجه وصعب تكراره ومن النوادر، وبتمنى لك كل التوفيق وزعلان لو اخدت اعتزال قرار اللعب الدولي”.
وتابع :” أحمد عنده إصابات وهو استهلك من 17 أو18 سنة منتخبات وتحامل على نفسه وهو خدم المنتخب وناديه، أحمد الاصابات اثرت اليه، وباروندو قعد مع الأحمر ورجع 5 أو6 سنين فاتوا ويارب ياخد القرار الصح”.
وأكد ” يسرى” : أحمد الأحمر أسطورة صعبة تكرارها هو ميسي اليد وتستاهل حب الناس ومش بيحبه جمهور الزمالك بس بل جمهور مصر كله ولاعب أخلاقه عاليه ومحدش يقدر كلمة عليه”.
وأتم ” يسرى” : ” أحمد الأحمر أحسن موهبة كرة يد في العالم وموهبة خارقة للعادة بيلعب لوحده وجماعي ولاعب متكامل ومهارة مفيش زيها ويستحق التكريم”.
