تحدث حمادة عبد اللطيف نجم نادي الزمالك عن فوز الفريق الأول على نادي غزل المحلة، والذي انتهى بفوز الفارس الأبيض بثلاثة أهداف نظيفة.
وقال ” عبد اللطيف” :” الزمالك كسب بدري بس لسه بدري على الدوري، ولازم أحيي اللجنة السابقة بسبب إصرارهم على التعاقد مع سيف الدين الجزيري”.
وأشار :” سيف لاعب جيد ومهاجم على أعلى مستوى ومش أناني ولازم أشيد باللواء عماد عبدالعزيز وإبراهيم عبدالله هما مش موجودين بس أنا راجل اصيل ولازم أديهم حقهم”.
وأضاف” عبد اللطيف” خلال استضافته في برنامج ” زملكاوي” على قناة ” الزمالك” :” اللي عنده أشرف بن شرقي عمره ما يقلق هو والجزيري وزيزو مستواهم متميز كلنا كنا في إنتظار أيمن حفني”.
وتابع :” المثلوثي كان كويس، والدوري صعب وممتع وسعيد بفترة الإعداد اللي اتعملت وجهزت لينا المثلوثي، ومش هفرح دي البدايه هفرح بالدوري ونقلب الصفحة وناخد كل ماتش بماتش وكلها مباريات كؤوس وميبقاش فوز المحلة يخدعنا وينسينا ونركز في مباراة الاتحاد”.
وواصل” عبد اللطيف” :” لسه فيه أوباما وإمام عاشور والنهارده مكنتش بتضيع فرص كتير معظم الحاجات اللي جتلك سجلتها ومروان حمدي، مكنش وحش والماتش فيه مكاسب كتير ومش هفرح إلا بنهاية الموسم والزمالك بطل الدوري وكلنا بندعمه”.
وأتم” عبد اللطيف” :” الزمالك تعب كتير جدا جدا السنة دي ايقافات وتوقف وترجع تبدأ فجأة، وللاسف الرياضة في مصر مفيهاش نظام”.
