لبيب : المنافس فوق الجميع ؟ الزمالك اكبر قلعة فى مصر
اكد حسين لبيب رئيس مجلس ادارة نادي الزمالك ان الابيض اكبر قلعة رياضية في مصر ويود ان يؤكد علي تلك الجزئية مرارا وتكرارا
وواصل حسين لبيب : نادي الزمالك هو النادي الأكثر استحواذ على البطولات الأفريقيه في القرن العشرين، معرفشي ليه الموضوع ده بيضايق حد
واستكمل : زي ما في ناس بتقول إحنا فوق الجميع وأدوا لنفسهم الحق ده، من حقي إني ارفع شعار الزمالك الأكثر استحواذ للبطولات الإفريقية
واستطرد : والزمالك أكبر قلعة رياضية في مصر وأنا مقتنع بذلك والزمالك الوحيد اللي يستحق تلك الشعارات
وتطرق لبيب : الزمالك لم يخطئ، الجميع شاف اللي حصل لكابتن الزمالك ٢٥ سنة شيكابالا وتعرضه للهجوم والتطاول، إحنا وراء أبناءنا والمنتمين لينا حتي اللي بينتقدوا اللجنة في القنوات الاخرى
واتم : وإحنا مش عايزين حد يشكر فينا، لكن مينفعشي نسكت لما نشوف حد بيتوجه ليه اتهام علشان بيدافع عن الزمالك، لأ هنقف وهندعم حقوق الزمالك وكل أبناءه طالما محدش أتجاوز في حق حد
