اخبار الزمالك

تعليق جديد من حسين لبيب على تعاقد الأهلي مع أوجستى.. ويكشف صفقات فرق الصالات

كشف حسين لبيب رئيس اللجنة المعينة لإدارة نادي الزمالك، عن أبرز الملفات المتعلقة بفرق الصالات داخل الفريق، مشيرًا إلي أنه كان يعلم يتعاقد الأهلي مع أوجستى بوش المدير الفني السابق للزمالك.

وقال ” لبيب” :” مزعلتش من تعاقد الأهلي مع أوجستي وكان عندي إحساس أنه تعاقد مستر أوجستي عمل شئ كويس للزمالك، واحنا تعاقدنا مع مدرب هايل وجبنا مدرب أحمال ولياقة بدنية وده للفرق الجماعية الـ 3″.

واشار :”الناس بتسأل صفقات السلة ، وبتقول هو علشان انت من اليد مش هتعمل صفقات للسلة، وفريق الهاندبول القوام موجود وعملنا النواقص وجبنا لاعبين”.

وأضاف ” لبيب” خلال استضافته في برنامج ” زملكاوي” على قناة “الزمالك” : “الباسكت بول كان كابتن انس أسامه كان في أمريكا واتصاب مع المنتخب يتم علاجه، وكان من غير الممكن التعاقد مع لاعب جديد في ظل عدم ضمان خاصة وأنه متاح التعاقد مع لاعب واحد فقط، وسنتظر موقف أنس أسامة”

وتابع :” كابتن أنس أسامة سيكون متواجد في الزمالك ومصاب بيتعالج، ومهاب ياسر مسافر ممكن يرجع ديسمبر وليس هناك تاخرين فى الباسكت بندرس الأمور”.

وواصل :” أحمد حاتم هيلعب معانا الموسم ده، والجيش علاقتنا طيبة وهناك اتفاق بينا وبينهم على أحمد حاتم وبطمنهم انه في للزمالك، وينقصنا لاعب مصري وواحد أجنبي”.

وكشف “والتر هودج هيجي غالبا هيكون للى هيدفع له أكتر هو لاعب محترف ومن ضمن خياراتنا وهناك لاعبين آخرين داخل حسابتنا، وكابتن رضا هيكل متجوز من غير مصريه ولظروف أسرية عاوز يكون خارج مصر وده شئ ملوش علاقة بنا”.

واستطرد :”عقود لاعبي الباسكت والطائرة لازم تتجدد بالاضافة لـ11 واحد في اليد
احنا جايين في وقت جميل بجد، ونتعشم خير وهقعد مع كابتن عبدالحميد الوسيمي وحسن الحصري سنضع الرتوش الأخيرة لانضمام بعض اللاعبين لطائرة الزمالك”.

وشدد ” لبيب” :” أحمد الأحمر هو اللي جدد هو جه وقع ومشي وسابنا وقالي اللي انت عاوزه أعمله هو زي ابني لو هتكلم عليه هخلص البرنامج ولا يقارن بأحد وهو أحسن لاعب، واعتبر أحسن 3 لاعبين في تاريخ اليد في مصر هم، رقم واحد أحمد الأحمر 2 حسين زكي 3 لاعب في الأهلي اللاعب سامح عبدالوهاب”.

 

تعليقات زوار الموقع

اخبار ذات صلة