“الأهلي مبقاش لا له لون ولا شكل” ،، تعليق ناري من شوبير على تعادل الاهلي مع بطل النيجر | فيديو
حرص الإعلامي أحمد شوبير على التعليق بشأن تعادل الأهلي مع فريق الحرس الوطني بطل النيجر في المباراة التي أقيمت بالأمس ضمن منافسات دور ال ٣٢ من دوري أبطال أفريقيا.
و قال أحمد شوبير عبر برنامجه الإذاعي على راديو أون سبورت إف إم: دورت على الأهلي الشوط الثاني ملقتهوش.. آه في ظروف معاكسة بس روح الأهلي مش موجودة ولا أداء ولا إصرار.. أرجو إن غرفة ملابس الأهلي يكون فيها هدوء والكلام الكتير واتممنا المهمة بنجاح والعقد والزيادة أتمنى الملف يتقفل تماما
و تابع: أنا بقول لمحمد شريف أنسى بقى شوية قصة استبعادك من المنتخب ، عندك شغل لازم ترجع تسجل وتتألق من جديد ونشوف محمد شريف اللي ناس عرفته.
و أضاف: عايز أعرف فين روح النادي الأهلى أمس أمام الحرس الوطنى ،أول مرة أشوف الفريق تايه في الملعب، فين الاصرار ، فين تجهيز اللاعبين فين الشغل الفني، وأخيراً فين الماتشات الودية ياعم موسيمانى علشان تجهز الفريق
و واصل: أنا مابقولش أن موسيمانى مدرب سيىء ،علشان محدش يقول أن بنتقد تتفهم أنه مدرب سيئ، لا موسيمانى حتى الان لم يخسر أى مباراة أفريقية مع الاهلى، أنا بقوله ركز وخف السوشيال ميديا شوية ، مش كل شوية كلام مع زوجتك عن تمديد التعاقد نخف كلام بقى ونركز جمهور الاهلى مش بيتسحمل كتير خالي بالك”.
و أتم تصريحاته قائلا: الأهلي مسددش كرة واحدة طوال الـ 90 دقيقة مفيش عرضية واحدة حتى، فين الشغل بقى سواء من اللاعبين أو الجهاز الفني أحنا ناس بنفهم كرة يعني .. وعلى فكرة على لطفى لايتحمل مسئولية الهدف علشان منظلمهوش بس.
https://youtu.be/53zrny6Noyo
