هاجم أحمد حسام ميدو نجم الزمالك السابق، البرتغالى كارلوس كيروش المدير الفني للمنتخب المصري، بسبب أداء المنتخب أمام تونس، مؤكدًا على ضرورة ضم طارق حامد للمنتخب.
وقال “ميدو” : “عدم وجود طارق حامد في منتخب مصر غير مفهوم ، وانا سألت طارق حامد هل في أزمة بينك وبين كيروش.. ولكنه نفى تماما”.
وأضاف “ميدو” خلال تقديمه حلقة جديدة من برنامج ” الريمونتادا” على قناة “المحور” :” لازم حد يقعد معاه ويقوله ايه القصه الكلام ده مينفعشي يمشي في أمم أفريقيا”.
وتابع :” انا هنا والله ما بتكلم علشان زمالك وأهلي ولا بقلل من حمدي فتحي لانه لسه عليه وجاي في الطريق لكن عدم وجود طارق حامد أمر مش مفهوم”.
وواصل :” احنا النهاردة انقطعنا، منتخب تونس “غسلنا كورة”، ومينفعش كيروش يطلع بعد المباراة يقول “بص العصفورة”، اصل التحكيم.. اصل كنا كويسين، لا منتخب مصر كان “وحش جدا” انهاردة”.
وأكد “ميدو” :” كيروش مدرب “كبير”، لكن الأيام أثبتت إنه “عنيد”، ازاي أحمد رفعت ميلعبش؟، وازاي محمد شريف ميلعبش مهاجم صريح؟”
