علق طارق يحيى مقدم برنامج زملكاوي عبر قناة الزمالك،على تعادل الزمالك امام الاهلي في مباراة القمة التي اقيمت امس الاحد.
وقال طارق يحيى في تصريحات ببرنامج زملكاوي:” انا ربنا نصرني للمرة التانية، بسبب قطاع الناشئين اللي كنت بقوده السنة اللي فاتت وتحديت كل الناس، قولتلكم ايه احنا مدربين وفاهمين كويس اوي”.
واضاف:”و احد بعتلي رسالة قبل كدة ساعة كاس الرابطة، قالي هما دول الناشئين بتوعك، مردتش عليه وعملتله بلوك، هو اكيد سامعني دلوقتي”.
وشدد يحيى:” ايه رأيكم في الناشئين، نيمار اللي بيلعب لاول مرة وفي غير مركزه، وسيف جعفر اللي جاب جول الماتش اللي فات والنهارده اثبت وجوده، ويوسف أسامة”.
وتابع: “كل الناشئين وما خفي كان أعظم، لسه عندنا ناشئين كتير ويضرب تعظيم سلام للقطاع، ولمرتضى منصور على دعمه ومساندته، ويكفي انه في قرار منه بتخصيص مبلغ مالي لدعم القطاع وفقا لما تراه الأجهزة الفنية”.
واختتم: “احنا مش فرحانين بالتعادل لاننا نستحق المكسب، ولكن فرحانين بالاداء وصورة ناشئين الزمالك”.
