حازم إمام : رحيل المدير التنفيذي للإتحاد ؟ ننتظر هذا الأمر للتنفيذ .. و من الوارد التعاقد مع هذا المدرب

علق حازم إمام على إمكانية عودة كارلوس كيروش مرة أخرى لقيادة منتخب مصر في الفترة المقبلة عقب الإعلان رسميًا عن رحيل إيهاب جلال.

و قال حازم إمام في المؤتمر الصحفي : كيروش؟ أنا بحبه جدًا وبحترمه .. وبعد ما كيروش مشي وفتحنا الملعب شوفنا اللي حصل .. كيروش من بين المرشحين للعودة ..

و تابع : رحيل وليد العطار؟ غير صحيح حتى الأن .. لكن لو الوزارة أكدت إن فيه مخطئ هيكون ليه عقاب، إحنا ملتزمين بقرارات الوزارة طبقًا للجنة التفتيش التي أرسلت من الوزارة.

واصل : توجيه الشكر للجهاز الفني للمنتخب بالكامل ولو احتاجنا حد منهم هيرجع .. خالد جلال من الكوادر الشابة وكان من المرشحين لقيادة الفراعنة ..

أكمل : وجود محمد صلاح جعل العديد من المدربين الأجانب الكبار يطلبوا تدريب منتخب مصر .. و إحنا شعب بنحب الكرة جدًا، إيهاب جلال أتظلم وبتأسف ليه وبعتذرله لكن الظروف احيانا بتكون أقوى، لو القرار بأيدي كنت هخلي إيهاب يستمر؛ لكن الحقيقة هو عليه ضغوط كبيرة ..

و أتم : المصلحة العامة بتخلينا ناخد القرار ده .. مشكلتنا إن المدرب الأجنبي مابيكنش عليه ضغوط زي المدرب المصري، وده كان سبب إني أرغب في التعاقد مع المدير الفني الأجنبي من البداية.