علق المستشار مرتضى منصور رئيس مجلس إدارة نادي الزمالك ، على لقطه عدم مرور مدير الكره بالنادي الأهلي ” سيد عبد الحفيظ” في الممر الشرفي في نهائي كأس مصر .
وقال مرتضى : “الأفندي سيد عبد الحفيظ راح لافف من ورا ومدخلش الممر ، مفيش لاعب عندك مسلمش عليا ، وراح هو معديني ، أنا حتى ممدتش ايدي أسلم عليك مين ده ؟ ، أنت كنت في قناة سي ار تي وبتحايل عليا علشان اعملك مداخله ، هو حر ميسلمش وميدخلش الممر الشرفي “.
وأضاف : ” هل انا طرف في ماتش الجونة؟ وإبراهيم عبد الجواد وخالد الغندور هل كانوا أطراف ؟ ، انا واخد قرار ومتفق مع الدوله لما يحصل تجاوز متردش لأن دي الخطه أنه يشتم وأنا أرد يقول اه ياعيني اه ياضهري الحقوني”.
وأكمل :”التزامات الشركة إن تتحمل أي مسئوليه مدنيه وقضائية في حالة حدوث أي تجاوز ، لما عندك عيل يشتمني لازم تاخد القرار إن يتحذف علشان لا أقاضيها، ده عقدي وعقدك وده حق الشركة ،عاوزني اتشتم و أجي ارد تعيط ، الشركة المحترمه أخدت قرار بحذف التصريحات تعيط”.
وأتم :”انا مقاطعتش القناة هم اللي قاطعوني وقالولي انت ممكن تقول كلام مش مظبوط وفي مصالحه فالأفضل عدم دخولك لمصلحة البلد ومعيطش زيهم “.
