كشف أحمد عبدالمقصود مدرب الزمالك عن دور البرتغالي جوسفالدو فيريرا في بث الثقه في نفوس اللاعبين وكيف ساعدهم على العودة لمستواهم حتى التتويج بلقب الدوري المصري.
وقال أحمد عبدالمقصود في تصريحات تليغزيونيه بقناة الزمالك:” الف مبروك للجميع، الاخلاص في العمل وفيريرا هما السبب في التتويج بالدوري، احب اشكر المستشار مرتضى له فضل كبير”.
واضاف:”الادارة وامير مرتضى اللي قفل على الفرقه وشال الضغوط من علينا وقال بنعمل الموسم الجديد، على عكس فيريرا الذي قال لنا سنفوز بالبطولة”.
وتابع عبدالمقصود:” البروف فيريرا قال احنا جاين ناخد البطولات وقال ده في عز ما بنخسر وقال للعيبه ارفعوا راسكم انتم ابطال الدوري وبث الثقه وسط الظروف الصعبه وكان له مفعول السحر”.
واوضح:” امير قفل على الفريق ولاول مره بنقول اللي يمشي يمشي والفريق مبيقفش على حد العدل وفريق الامل كانوا السبب في الفوز بالبطولة”.
وواصل:” الزمالك فيه لعيبه كويسه فيريرا عرف يتعامل مع الشباب، وقالهم الفريق البطل بيكون تحت ضغط وكانوا محتاج دعم ويلعبوا امتى”.
اختتم:” فيريرا كان دايما يقولهم لاعب الزمالك يلعب في ظروف صعبه وشيكابالا كان له دور كبير معهم هو وكبار الفريق وكان في اصرار رهيب ان القطار ماشي واللي خرج هو الخسران وبشكر الجمهور والاعيبه الرجاله ده دوري اعجازي”.
