تحدث مدرب حراس المرمى بنادي الزمالك أيمن طاهر عن تتويج الفريق بكأس مصر وعن دور الجهاز الفني في تطوير مستوى محمد عواد بعد إبتعاده لفتره طويله عن المشاركه .
وتوج الزمالك ببطوله الدوري العام للموسم الثاني على التوالي بعد تعثر بيراميدز بالامس أمام فيوتشر بالخساره بهدف مقابل لا شيء.
وقال طاهر: “الحمد لله بهدي البطوله للجمهور اللي بقولهم انتوا فرقتوا معانا جدا وبشكر اللعيبه كلها والجهاز الفني وحراسي طبعا” .
وواصل :”عواد كان بعيد واشتغلنا الفتره اللي فاتت كويس والنواقص اللي كانت عنده والحاجات دي هو تقبلها بسرعه وابتدى ينفذ وماتش ورا ماتش اتحسن اكتر ، بقوله مبروك يا عواد انت من اسباب حصول الزمالك على الدوري والكاس السنادي ” .
وأكمل :”بعد ما جبل مشي كان لازم يبقى عندي ثقه في الاولاد الصغيرين و بحب الشغل معاهم وزي ما بيقولوا انا قلبي ميت وعاوز الاعبهم بس لازم الوقت المناسب “.
وأضاف :”مشاركه نديم هتتم بالتنسق مع البروف وهنشوف ايه الافضل الفتره اللي جايه ، احنا عندنا ماتش مع المصري في اسكندريه وهنشوف الدنيا فيها ايه ” .
وإستطرد :”مجلس الاداره وامير مرتضى وفروا كل حاجه ، المنظومه كلها اشتغلت والحمد لله ربنا كرمنا ، احنا هنشوف هنريح ناس ونلاعب ناس عشان عندنا بطولات كتير واولهم بطوله يوم ٩ “.
وأتم :”نديم انا جبته من اسكندريه من ٣ سنين مكنش فيه حراس في مواليد ٢٠٠١ ، روحت شوفته في سبورتنج وجبناه من هناك ، هو بقاله ٤ سنين موجود في قطاع الناشئين ومع رحيل جبل ابتديت ادي الفرصه لنديم وسيد عطيه” .
