اكد أحمد رمزي نجم الزمالك السابق ان الفريق لايقف على حد ورغم رحيل عدد من اللاعبين المهمين إلا ان الفارس الابيض حصل على الكأس ومتصدر الدوري.
وقال احمد رمزي في مداخله هاتفيه ببرنامج زملكاوي عبر قناة الزمالك:” بالتأكيد اول لقاء بالاعلام لي سيكون في قناتنا، من سنتين في لعيبه رحلت عن الزمالك وقتها قلت اللي عاوز يمشي لازم نحترم رغبته، وحصل مع 2 لعيبه بدون ذكر اسماء ورغم ذلك حققتا بطولتين السوبر الافريقي والمحلي في اسبوع”.
واضاف:” التاريخ اعاد نفسه مره تانيه هذا الموسم، و احترمنا رغبه اللعيبه اللي سابت النادي في الوقت الصعب، الدوري منافسه شرسة، لكن الزمالك لايقف على احد، لدينا مدرب جيد ولاعبين جيدين وادارة محترمه، واهم من كل هذا العدل، لوعندك كل حاجه ومفيش عدل ربنا مش هيكرمك”.
وتابع رمزي: السنه اللي فاتت مشي مصطفى محمد وساسي ورفضوا يكملوا معك اخدت الدوري، انا بحب طارق حامد جدا ولكن كنت سعيد انه مشاركش الفتره اللي فات حقه يبحث عن وجهة نظره و الاختلاف لايفسد الود ومشي وبن شرقي مشي والزمالك مش هيقف على حد”.
واوضح: ” السنة الماضية كنت على تواصل مع ايمن يونس
وقالوا مصطفى محمد وساسي هيمشوا قولتله هناخد الدوري اقسم بالله قولت كده”.
وشدد: “حمدي النقاز وكهربا مشيوا واخدت بطولتين في اسبوع هقول العدل العدل، لو عندك احسن مجلس ادارة ولعيبه ومفيش عدل عمرك ماهتاخد حاجه، العدل سر نحاج فيريرا مع احترامي لقدراته لكن كلمه السر العدل”.
وواصل رمزي:”العدل هو كلمة السر في نجاح الزمالك، من سنتين كنت ضد وجود امير مرتضى في منصبه، كان عندنا مشكله كل اخبار الفريق بتكون ف الاعلام، امير انهى الموضوع ده وقافل على الفرقه، هو ناجح بكل المقاييس، فاز بالبطولات واخرها كأس مصر على حساب الاهلي”.
واكمل: بحيي مجلس الادارة والجهاز الفني على تحقيق العدل واللي عاوز يمشي يتفضل الزمالك ميقفش على حد، الزمالك الاول في غياب ابوجبل وطارق حامد احسن لاعب وسط في مصر بن شرقي وساسي ومصطفى محمد. ومصطفى فتحي، هذا درس للجميع اللي عاوز يمشي شكرا ولازم احترم وجهة نظره وميقفش على حد
واردف رمزي: ” انا بكن لهم كل حب واحترام لكل اللي ذكرت اسمائهم، ولعيبه دوليه وعلى مستوى عالي ولكن الزمالك لايقف على احد، هذا هو كلمه السر مايحدث الفتره الاخيره
رسالتي للاعبين: ” احنا الافضل فنيا وبدنيا الموضوع محتاج هدوء امام بيراميدز وباقي المواجهات، ولازم لعيبة الزمالك يحسوا انهم الافضل”
واختتم:”بيحيي فيريرا على رؤيته بشأن الناشئين اليوم سيف ويوسف اسامه وسيد نيمار وغيرهم”.
