حرص المستشار مرتضى منصور على توجيه رساله هامه لجمهور الفارس الابيض بشأن الصفقات ولاعبي الفريق ومحمد أبوجبل.
وقال مرتضى منصور في مداخله ببرنامج زملكاوي عبر قناة الزمالك: بشكر جمهور الزمالك، ولدي طلب عند جمهور الزمالك افرضوا واحد، بيعمل عمليه ينفع وهو في اوضه العمليات حد يدخل يقوله افتح من هنا ولا هنا، طبعا كل اللي يهمه العمليه تنجح، هم فوق دماغي لكن لاهتقيموا لاعبيه ولامدير فني ملكش دعوة دول لعبوا ليه، ودول مبيشاركوش ليه، انت شجع بس”
واضاف:”شجع فقط لاغير انت عمرك كسبت الاسماعيلي اكترمن1/0، افرح انك كسبت فريق كبير مش المقاصه اللي اتغلب بضربة جزاء حرام لكن احنا ركلة الجزاء صحيحه”.
وتابع مرتضى: ” الاسماعيلي فريق كبير ومحترم، مش في ناس كانت بتقول المانجه باظت المانجه باظت، انت اللي طلعت بايظ”.
وشدد: ياجمهور الزمالك سيبوا الرجل يشتغل انا مبقدرش اقول لعبت مين ولا بتدخل في شغله هو عارف ظروف كل ماتش، لعيبة بتلعب كل3 ايام وعندهم ماتش مهم مع فاركو بعدها الاتحاد من فضلك بعد اذن سيادتك شجع بس”.
وواصل مرتضى:”الجمهور يطلعوا يقولوا مش عجبنا اللاعب ده ولا الصفقة دي، احنا بعد فوزنا بالدوري هنعلن عن الصفقات هو زيزو كان حد عرفه قبل مانتعاقد معه”.
واردف:”لما قولت ان مصير ابوحبل في ايد فيريرا طلعوا قالوا لا ابوجبل لا، اي لاعب مصيره في ايد فيريرا، ادخل مش عجبك وتقولوا بيدخل اسكت يقوله لا مش عجبنا”.
واشار مرتضى:” اللعيبة اللي في السوق والاهلي بيفاوضهم اتعرضوا علي وعقودهم عندي وفيريرا قال عاوز ده ومش عاوز ده هو حر”.
واختتم :” ويقولوا لن يعود ابوحبل خاين عميل ويحب ان يضرب في ميدان التحرير كل ده ولاهياثر فيا انا مش بمشي
زي التاني ورا الكلام ده”.
