حرص حازم امام لاعب الزمالك السابق وعضومجلس إدارة اتحاد الكرة الحالي على توجيه رساله ناريه لمحمد أبوجبل حارس مرمى الفارس الأبيض السابق.
وقال حازم إمام في تصريحات تليفزيونيه بقناة اون تايم سبورتس:”ماينفعش ابوجبل يروح يوقع لنادي وهو علي ذمة نادى الزمالك ويكون الزمالك بالنسباله اخر خيار يلجأ ليه لما ميلاقيش نادي يرضي بيه”.
واضاف:” كنت اتمني وهو جامد وفي عزه في أمم إفريقيا أن يختار الزمالك مش لما يقع وميلاقيش نادي يختارنا، وبالنسبالي انا بحبك و انت حارس كبير و موضوع رجوعك مرفوض من الجماهير و لا اعلم موقف الاداره من الموافقه على رجوعك “.
وتابع إمام:” لازم ابوجبل يقول انا غلطت ، كان لازم يضحي بالعروض عشان الزمالك , انا لما كنت بلعب جالي عروض كتير بس كنت بقول لا هكمل في الزمالك، هو عاوز يرجع دلوقتي عشان مفيش نادي عاوزه ولا يوجد لديه عروض”.
وشدد:” اللي عاوز الزمالك يختاره علي طول في أوقات العروض المغرية مالياً مش و هو معندوش اي عرض ، كان ممكن يكون مقبول من شهرين لكن دلوقتي العودة صعبه”.
واختتم حازم:”انا بشتغل لحد دلوقتي على حس وجودى في الزمالك كل ده له تمن ، اللى ميقدرش ده غلطان ،انا كزملكاوى كنت احب ابو جبل يرجع وهو متألق وبتجيله عروض انما دلوقتي صعب ،مفتكرش جمهور الزمالك هيتقبل عودة ابو جبل تاني، للاسف ابو جبل دلوقتي صعب يصالح الجمهور” .
