تحدث حارس مرمى نادي الزمالك محمد عواد على إقتراب الزمالك من حسم لقب الدوري رسمياً ، كما وجه رساله لزميله السابق والمنتقل حديثاً للجزيره الإماراتي أشرف بن شرقي.
وفاز الزمالك على فريق نادي مصر للمقاصه اليوم بخماسيه نظيفه ، ليقترب الزمالك أكثر وأكثر من حسم لقب الدوري .
وقال عواد :”الحمد لله بنحمد ربنا على النتيجه ، معندناش اختيار تاني غير المكسب والنهارده حققنا النتيجه المطلوبه “.
وأضاف :”احنا كل الماتشات المتبقيه بنلعبها على المكسب ايا كان مين الفريق ، احنا بنحترم فريق المقاصه سواء هبطوا او لسه ، احنا لينا هدف ان كل مباراه ناخد ال٣ نقط والحمد لله قدرنا نحقق الي احنا عاوزينه “.
وواصل:”الفرصه جاتلي وانا كنت شغال بشكل كويس وانا مسكت في الفرصه وسعيد بثقه الجماهير والاداره وزمايلي والجهاز الفني واتمنى الاستمرار على نفس المستوى الجيد “.
وعن الأحاديث المنتشره عن حسم الدوري قال “:لسه محسمناش الدوري ، عندنا ٤ ماتشات وهناخد ماتش بماتش وربنا يكرم “.
وعن سؤاله عن بن شرقي قال :”بتمنى لبن شرقي التوفيق ، مقصرش معانا وكل اللعيبه بتحبه ، كلنا فرحانين ليه وهنتواصل معاه وبتمناله التوفيق “.
وأتم :”فيريرا بيقولنا ان كلنا عندنا هدف واحد وان احنا عاوزين نكسب ، قالنا كل الماتشات كؤوس والتعليمات الي المدير الفني بيقولها بننفذها ،هنلاعب فريق كبير في الكاس وهنديله احترامه زي ما احنا مركزين في الدوري هنركز في الكاس برضو”.
