سخر الإعلامي خالد الغندور من شائعة تواجد ساحر لمساعدة الزمالك في مدرجات ستاد القاهرة لحضور مباراة بيراميدز.
وقال خالد الغندور في تصريحات ببرنامج زملكاوي عبر قناة الزمالك: “امبارح جايبين صوره لواحد بجبه وقفطان من ضهره في ملعب مش ستاد القاهرة، وبلبس شتوي ويقولوا هو ده اللي بيكسب الزمالك ده ساحر ودجال”.
واضاف:”لما كان المستشار مرتضى بيقول في سحر، كنتم بتقولوا هو ده كلام هو في الكرة كده ماتحترموا نفسكم بقى”.
واردف الغندور:” في 3000 واحد بجبه وقفطان لان الجلابيه ليس معتاد في مصر والدول العربية، جيبه بوشه علشان نقول ده فلان ابن فلان الدجال ده معروف وكنا بنروح له وبندفع له مصاري، ونعرف وشه ويطلع هو يكدبكم ويقولكم انتم افاقين وكدابين”.
وشدد:” كأن الجبة والقفطان دليل السحر وافلام احمد زكي زمان ونقول حي حي ويطلع بخور، فيلم البيضه الحجر”.
وواصل الغندور: “مهما تعملوا الحمد لله رب العالمين مركزين، شيكابالا قالها بعد الفوز بالدوري السنه اللي فاتت الناس زعلت ورفضوا نحتفل بالدرع”.
واختتم:” رافضوا اللاعبين الشباب حسام عبدالمجيد وسيف جعفر ينزلوا يحتفلوا باول بطوله ياخدوها، ان شاء الله عندنا6 ماتشات خلاص يولاد البطولة قربت”.
