تحدث لاعب النادي الإسماعيلي محمود عبد العاطي دونجا عن مباراه فريقه أمام الأهلي والتي انتهت بالتعادل سلبياً دون أهداف .
وتعادل الأهلي أمام الإسماعيلي دون أهداف ، وذلك في إطار المباراه المؤجله من الجوله الثامنه عشر من عمر مسابقه الدوري ، ليخسر الأهلي رسمياً الدوري للموسم الثاني على التوالي.
وقال دونجا :”لعبنا المباراه بهدف الفوز النهارده وحصد ال٣ نقاط وكنا الأخطر في الشوط الأول ولينا ٥ او ٦ فرص والأهلي مكنش ليه الا فرصه واحده داخل منطقه الجزاء مش على المرمى حتى”.
وأضاف :”الشوط التاني برضو كنا الأخطر ولينا فرص أكتر من الأهلي ولكن في النهايه انتهت المباراه بالتعادل” .
وأتم :”احنا كان هدفنا في الاول الخروج من المركز اللي لا يليق بتاريخ الاسماعيلي واللاعبين ومجلس الاداره و بعدين مرحله تحسين المراكز اللي احنا فيها دلوقت ، احنا كان هدفنا المكسب النهارده وفالماتشين المتبقيين عشان ننهي في مركز احسن من المركز التاسع “.
