أكد محمود فتح الله المدرب العام بنادي بيراميدز على أن الدوري هذا الموسم قد حسم بنسبه تتخطى ال90% لنادي الزمالك ، مشيرا ً أن النادي قد فرط في نقاط سهله ساهمت في ضياع الدوري .
و فاز فريق بيراميدز اليوم على فريق سموحه بنتيجه عريضه بخماسيه مقابل هدف واحد ، وذلك في المباراه التي أُقيمت بين الفريقين على ستاد الدفاع الجوي.
وقال فتح الله :”خسرنا نقاط في بعض الماتشات وندمنا عليها متاخر وهي دي الكرة ومش هينفع نفكر في اللي فات وقررنا ان ماتشات الجايه كلها كؤوس”.
وأضاف :” الزمالك بنسبه90% حسم البطولة ويحسب للعيبه تركيزهم لاخر ماتش موجود في الدوري”.
وواصل :” ابراهيم عادل لاعب مهم ومبشر والمستقبل قدامه ممكن تحصل حاجات خفيفه وممكن يحصل رد فعل ومش هينفع نكلم وعملنا ده و وقعنا عقوبه الموسم طويل، ابراهيم لاعب محترم وهيبقى مستقبل النادي”.
وأردف :” بالنسبه للصفقات واخدين راحتنا في الموضوع مع الادارة احنا كل تركيزنا ف الملعب، احنا عندنا اسكواد متكامل ووجهة نظري ممكن لاعبين او 3 لان الفريق متكامل”.
وأتم:” الموضوع الطبيعي اننا بنافس هنحافظ على قوامك الرئيسي مستحيل تفرط بسهوله هنحافظ على معظم القوام وهنشوف الادارة هتعمل ايه”.
