مرتضى منصور يفتح النار على شوبير و كريم حسن شحاته .. ويكشف عن خطوه جديده لزياده عدد الجماهير في مباراه الإتحاد

فتح المستشار مرتضى منصور رئيس مجلس إداره نادي الزمالك النار على كريم حسن شحاته و أحمد شوبير بسبب تصريحاتهم الأخيره بشأن الزمالك .

وقال مرتضى :”الزمالك مركز وان شاء الله ربنا يوفقهم في مباراة الاتحاد ،كان فيه مكالمة مع محمد مصيلحي، علشان اباركلة على ضمان البقاء في الدوري”.

وأضاف :” بقول لـ خالد جلال مشى الواد النحس اللى معاك اللى كل شوية يضرب أخبار في الزمالك المقصود “كريم حسن شحاتة”.

وواصل :”مشية وهتكسب ان شاء الله، وده نحس ابوه، و دلوقتي قاعد في البيت بقالة عشر سنين “.

واستطرد :”شوبير قال انه عايز يذيع ماتش الزمالك والاتحاد بقوله ارجوك من فضلك رفقا بيك انت، بلاش تذيع وممكن يطقلك عرق بسبب جون الزمالك، وابعد عن الزمالك ،رسالتنا للمسؤلين فيه مذيعين كتير محادين بلاش تستفزونا بيه “.

وأكمل :” بقول لـ شوبير كلمة “شفاتيرو” مش سب قذف ده وصف علشان عرفت انك بتزعل منها، وعرفت انك مشغل بنتك في الشركة المتحدة بـ 60 ألف ، وبقول له انتظر المفاجأت في الموسم الجديد وصدقنى كل الخريطة هتتغير”.

وأردف :”كانت فيه مكاملة مع الأخ أحمد دياب ومع سيف الوزيري المسؤول عن الشركة المتحدة وتذكرتي “.

وأتم :”اتمنى ان شاء الله يتم زيادة عدد التذاكر وانا مش بحب احرج حد، إن شاء الله ربنا يوفق الأولاد والواحد من جماهير الزمالك بـ 20 ألف واحد من الجماهير الثانية”.