اشاد طارق يحيى مقدم برنامج زملكاوي عبر قناة الزمالك بجمهور الفارس الابيض، ودورهم البارز في دعم الفريق الفترة الماضية.
وقال طارق يحيى في تصريحات ببرنامج زملكاوي عبر قناة الزمالك:” نيجي للاهم، وهم الجمهور ايه اللي عملتوه ده؟، ايه اللي اتعمل في الجونة، جمهور الزمالك طول عمره مع النادي بس مكنش لاقي اللي ياخد بايده”.
واضاف:”النادي طلع70 اتوبيس لسفر الجماهير للجونة، تحيه لهذا الجمهور الذي تحمل عناء السفر، انا باخد فلوس على لعبي وفلوس ولما بدرب، دول بياخدوا ايه؟ بيشجعوا علشان بيحبوا الكيان وبيشجعوا من قلبهم دول يستحقوا التقدير”.
وتابع يحيى: “لابد ان نحي كل جماهير الزمالك في المعمورة وخارجها، دول اصحاب النادي بجد احنا بناخد مقابل تحقبق البطولات دول بياخدوا ايه، ده مهرجان الجونة للفن والهندسه ايه الجمال والتشجيع ده”.
وواصل: توفير الاتوبيسات كان تقدير من النادي للجماهير وامير مرتضى اصدر اوامر يوزعوا مياه الفريق على الجماهير لان الدنيا كانت حر ابسط امر عمله امير”.
واوضح يحيى:” ربنا يكرمكم النادي وفر اتوبيسات ووجبات الرجل رايح شجع ناديه ورجع اكل وشرب ومواصله ببلاش هو ده مرتضى منصور”.
وشدد:”مرتضى مش سهل برده قال 80% من جمهور الزمالك بالجونة هم الوايت نايتس وهذا يعني الكثير، لان في ناس كانت واخدهم لحته تانيه ومرتضى بذكاءه وفطتنه جابهم في صف النادي ويشجعوا الزمالك كل هؤلاء ساهموا في نجاح الفريق”.
واستكمل:” لما قولت ان الزمالك بطل الدوري لم يكن من فراغ، لان اعرف ما يحدث.من نظام صارم وحاسم اتخن تخين بيقع تحت طائله القواعد والاسس”.
اختتم:”ادارة مهدت كل ما وسعها علشان فريق الكره ينور بسين بصاد وبعين مش فارقه كل التوفيق للزمالك، اتمنى من لاعبي الزمالك الاتهدأ حتى يعلن الزمالك بطل للدوري رسميًا”.
