علق المستشار مرتضى منصور رئيس الزمالك، على خسارة الفريق الاول لكرة القدم بالنادي من الهلال السعودي بكأس سوبر لوسيل.
وقال مرتضى في مداخله هاتفيه بقناة الزمالك:” عاوزين نقفل صفحة مباراة الهلال، مواجهة وانتهت، مكنش ينفع الزمالك يهرب زي غيرنا ماهرب، الولاد خارجين من موسم صعب جدا”.
واضاف:”لازم نبارك للهلال وللشعب السعودي يستحق الفوز هم كانوا افضل انا كنت خايف ماريجا ياكل شيكابالا وفتوح، كل التهنئة لرئيس وجمهور الهلال”.
إقرأ ايضا.. مصطفى فتحي يحسم الجدل حول إمكانية انتقاله للأهلي
وتابع مرتضى:”كل الشكر والتقدير لجماهيرنا المحترمه ايه الرقي ده، ومفيش غلطه، كل الاحترام للحكام والحكم القطري عبد الرحمن الجاسم حاجه راقية ومحترم، مكتش عنده ولا غلطه الا اعادة ضربة الجزاء”.
وشدد:” مبروك لولادنا حاجه محترمه، كل الشكر لدوله قطر على التنظيم واستقبال ولادنا من اول عامل غرفة الملابس لفيريرا”.
واختتم مرتضى:”فوجئت من حوالي شهر احمد برادة نجم الاسكواش قالي في حد عاوز يكلمك بس محرج ولقيته سفير قطر في مصر وقالي انا زملكاوي وكلمني بمنتهى الادب وعمل كل التأشيرات”.
