“حضرتك مستعجل على ايه”.. خالد الغندور يوجه رسالة نارية لجمهور الزمالك بشأن الصفقات الجديدة
حرص الإعلامي خالد الغندور على توجيه رساله ناريه لجمهةر الزمالك بشأن الصفقات الجديدة لتدعيم صفوف الفارس الابيض الموسم القادم.
وقال خالد الغندور في تصريحات ببرنامج زملكاوي عبر قناة الزمالك:”دائما ما اتابع مايكتب عن الزمالك، اعلاميين كتير قالوا زيزو وبن شرقي ومصطفى فتحي وابوجبل وطارق حامد في الاهلي وهذا لم يحدث”.
واضاف:” عاوز كل الزملكاويه يركزوا مع الاعلاميين ويشوفوا قالوا ايه الشهور اللي فاتت”.
واردف الغندور:” عاوز اوجه رساله لجمهور الزمالك
بيقولوا فين الصفقات والمستشار مرتضى لم يعلن في المؤتمر الصحفي، هو حضرتك مستعجل على ايه؟، النهارده، بكره، الزمالك معندوش طاقيه الاخفاء مش في مفاوضات مع الانديه”.
واوضح: “في حجز على الارصده الزمالك من الاستاذ ممدوح عباس، فهيكون هناك استراتيجه اخرى من الادارة لدفع الفلوس الصفقات”.
وشدد الغندور:” الاستاذ ممدوح عباس مش عارف ان ده توقيت استقطاب لاعبين جدد، وعارف انه بيموت الصفقات ويبوظها، ومعندوش مانع يعمل ده “.
وتابع:” كان ممكن يأجل الحجز لنهاية الشهر لبعد الانتهاء من جلب الصفقات، الهدف واضح هفرق بينه وبين الاهلي اللي اتقال انه هيحط غرامه كهربا في الحستب المحجوز عليه، هل ممدوح عباس متفق مع الاهلي”.
ووزاد الغندور:”الاعلاميين مالهم بمحمد صبحي وهم الي قالوا راح الاهلي، انت مالك كاعلامي اللي هيحسم الموقف اتحاد الكرة والقانون انت مالك بالموضوع انت اعلامي”.
واختتم:”رغم اختلاف النادي مع احمد شوبير لكن بنقدم التعزيه في وفاة زوج شقيقته الله يرحمه”.
